Almaty oblysynda ÚEU-larǵa keńes beretin konsaltıngilik ortalyq ashyldy
Bul jerde uıym múshelerine zańnamalyq, qarjylyq jáne aqparattyq keńester beriledi. Al búginde oblys boıynsha 900-den astam úkimettik emes uıym bar. Olardyń basym bóligi áleýmettik baǵytqa negizdelgen, dep habarlaıdy QazAqparat tilshisi.
Konsaltıngilik ortalyq oblys basshylyǵynyń tikeleı qoldaýymen ashyldy. Úkimettik emes uıym ókilderimen endi úsh maman jumys istep, qajetti keńesterin beredi. Jalpy jylyna oblystyq ákimdik bıýdjetinen áleýmettik jobalardy qarjylandyrýǵa 100 mıllıon teńge bólinedi. Olardy júzege asyrýǵa 400-ge jýyq úkimettik emes uıym qatysady. Al ortalyqtyń maqsaty, áleýmettik problemalardyń sheshilýine úles qosyp jatqan úkimettik emes uıymdardyń sanyn arttyryp, sapasyna den qoıý.
«Úkimettik emes uıymdar qalalyq, oblystyq granttar ǵana emes, sonymen qatar ıÝNESKO-nyń, ıÝNISEF-tiń jáne basqa da úzdik halyqaralyq uıymdardyń granttaryna qatysyp, utyp, olardy óńirimizde júzege asyrýǵa tolyqtaı kúsh-jigerimizdi salamyz», - deıdi Almaty oblystyq ishki saıasat basqarmasynyń basshysy Rýstam Alpysbaev.
Ortalyqpen qatar, partııa fılıaldarynyń qoǵamdyq qabyldaý bólmesi de ashyldy. Endi olar Taldyqorǵandaǵy jýrnalıster úıinde qyzmet kórsetedi.