Almaty oblysynda ÚEU qarjylandyrý merzimi uzarady

TALDYQORǴAN. QazAqparat - Almaty oblysynda úkimettik emes uıymdardyń jobalaryn qarjylandyrý merzimi uzarady. Buǵan deıin qarjy bir jylǵa berilse, budan bylaı jobalar úsh jylǵa deıin qarjylandyrylady. Bul óz kezeginde uzaq merzimdi jobalardyń keshendi túrde júzege asýyna jol ashady, dep habarlaıdy QazAqparat tilshisi.

Búgin osy maqsatta Almaty oblysynyń ishki saıasat basqarmasy birneshe  ortalyqpen yntymaqtastyq memorandýmǵa qol qoıdy. Taldyqorǵanda ótken aýqymdy forýmǵa  80-nen astam úkimettik emes uıymnyń ókilderi qatysty. Búginde Almaty oblysynda 1000-nan astam ÚEU bar bolsa,   onyń tek 388-i ǵana belsendi. Qazir óńir boıynsha 148 joba júzege asyp jatyr. Shara barysynda bıyl júzege asyrylǵan eń úzdik áleýmettik jobalar marapattalyp, jeńimpazdardyń árqaısysyna 100 myń teńgeniń aqshalaı sertıfıkaty berildi.

«Olar úshin oblys ortalyǵy Taldyqorǵanda keńes beretin konsaltıng ortalyǵy ashyldy. Onyń aıasynda uıym músheleri aǵylshyn tilin úırenýde. Bul óz kezeginde ÚEU-nyń halyqaralyq granttarǵa qatysýyna úlken múmkindik beredi», - deıdi oblystyq Іshki saıasat basqarmasynyń basshysy Rýstam Alpysbaev.

Aıta ketý kerek, Almaty oblysynda úkimettik emes uıymdardyń jumysyn jandandyrý maqsatynda aýqymdy jumystar atqarylýda.