Almaty oblysynda UBT kezinde ereje buzǵan 47 túlek testileýden shyǵaryldy

TALDYQORǴAN. QazAqparat - Bıyl Almaty oblysynda 15 526 adam mektepti aıaqtasa, sonyń ishinde 11 589 túlek UBT tapsyrýǵa ótinim bergen, dep habarlaıdy QazAqparat óńirlik kommýnıkatsııalar qyzmetine silteme jasap.

Oblysta UBT ótkizetin 16 pýnkt jumys isteıdi. Jahandy jaılaǵan koronavırýs ınfektsııasyna baılanysty UBT ótkiziletin árbir pýnkte medıtsınalyq-sanıtarlyq normalarǵa sáıkes barlyq synaqtan ótýshiler zalalsyzdandyrýdyń 5 kezeńinen ótedi.

«Bilim synaǵyn táýelsiz sarapshylar qadaǵalaıdy. Onyń quramynda arnaıy monıtorıng tobynyń músheleri, qoǵam qaıratkerleri, úkimettik emes uıym ókilderi bar», - deıdi oblystyq bilim basqarmasynyń basshysy Maıgúl Omarova.

UBT ótkizilgen úsh kúnde 4093 oqýshy testke qatysýǵa ótinish bergen. Onyń 98-i testen ótýden bas tartsa, 15-i syrqattanyp qalǵan.

Úsh kúnniń ishinde synaq tapsyrýshylardyń 47-si ereje buzǵan. Osylaısha olar testen shettetilgen. Sońǵy úsh kúnniń ishinde 3933 oqýshy bilim synaǵynan ótken.

Maýsym aıynda testileýge kirgizilmegen, nemese UBT nátıjeleri joıylǵan bolsa túlek qańtar aıynda ekinshi márte synaqtan óte alady.

Shekti ball jınaǵan jaǵdaıda túlek JOO-na aqyly negizde oqýǵa túse alady.