Almaty oblysynda terrorızmge qarsy sharalar jalǵasýda

TALDYQORǴAN. QazAqparat – Almaty oblysynda terrorızmge qarsy operatsııa jalǵasýda. Arnaıy qyzmetter onyń birinshi fazasyn ótkizdi. QazAqparat bul týraly «Habar 24» arnasyna silteme jasap habarlaıdy.

Oblys komendanty Serik Kúdebaev halyqty sabyrlyqqa shaqyryp, asa qajettiliksiz úıden shyqpaýǵa keńes berdi. Taldyqorǵanǵa kireberis joldarǵa blokpostar qoıyldy. Júrgizýshiler ózderimen birge jeke bas káýligin jáne kólik quralynyń ıesi ekenin rastaıtyn qujatty alyp júrýi tıis.

Óńir komendantynyń aıtýynsha, memlekettik tirkeý nomerinsiz júrgen avtokólikterge qatań sharalar qoldanylatyn bolady.

«Qazirgi ýaqytta jaǵdaı baqylaýda. Tirshilikti qamtamasyz etý nysandary shtattyq rejımde jumys istep tur. Turǵyndardan jaǵdaıǵa túsinistikpen qaraýdy, sabyrlyq saqtaýdy jáne úıde qalýdy suraımyz.

Oblys aýmaǵynda terrorıstik qaýiptiń «qyzyl» tótenshe deńgeıi engizilgenin taǵy eske salamyn. Zańdy talaptarǵa baǵynbaǵan jaǵdaıda quqyq qorǵaý organdary tabandy sharalar qabyldaıtyn bolady, tipti qarý qoldanýǵa deıin», - dedi Serik Kúdebaev.