Almaty oblysynda tekserýshiler 100 adam jınalǵan toıdyń ústinen tústi
Bas sanıtar dárigeri qaýlysynyń qoldanysta bolýyna qaramastan kóńil kóterý oryndary tarapynan sanıtarlyq talaptardyń buzylýy jıi kezdesedi. Osyǵan baılanysty polıtsııa qyzmetkerleri men ákimidik ókilderinen qurylǵan mobıldi top aýdan aýmaǵynda ornalasqan qoǵamdyq tamaqtaný oryndarynyń, dámhana men meıramhanalardyń karantın shekteýin saqtaýy boıynsha tekserý júrgizip jatyr.
«Búgin Talǵar aýdanynyń polıtseıleri reıd barysynda Besqaınar aýylynda ornalasqan meıramhananyń birinde úılený toıy ótkizilip jatqanyn anyqtady. Meıramhana karantın talaptaryna qaramastan jumysyn esh kedergisiz jalǵastyrǵan. Anyqtalǵan derekke qatysty jınaqtalǵan materıaldar QR Ákimshilik quqyq buzýshylyq týraly kodekstiń 425-babymen ákimshilik jaýapkershilikke tartý úshin ókiletti organǵa joldandy», - delingen Almaty oblystyq Polıtsııa departamentiniń baspasóz qyzmeti jarııalaǵan habarlamada.
Óz kezeginde, Almaty oblysynyń tártip saqshylary oblys turǵyndaryna karantındi buzǵany úshin jaýapkershiliktiń bar ekendigin, sanıtarlyq normalar men áleýmettik ara qashyqty saqtaý qajettigin eskertedi.