Almaty oblysynda «Tablıǵı jamaǵat» uıymynyń belsendi jaqtastary sottaldy

TALDYQORǴAN. QazAqparat - Búgin Jambyl aýdandyq soty "Tablıǵı jamaǵat" dinı ekstremıstik uıymynyń qyzmetin iske asyrǵan 5 adamǵa úkim shyǵardy, dep habarlaıdy «QazAqparat» tilshisi.

S. Erimbetov - 3 jylǵa, A.Abdýllaev - 2,5 jylǵa, P. Ǵafýrov - 2 jylǵa, O.Qoshtybaev jáne A. Baıturynov - 1,5 jylǵa bas bostandyǵynan aıyryldy. 

Atalǵan tulǵalar elimizdiń jáne Almaty oblysynyń aýmaǵynda  tablıǵı jamaǵat dinı ekstremıstik uıymynyń qyzmetine qatysýshy tulǵalardyń sanyn arttyrý, onyń ıdeologııasyn úıretý, taratý jáne uıym jumysynyń júrgizilýin qamtamasyz etý maqsatynda zańsyz mıssıonerlik is-áreketterdi  júzege asyrǵan.

Esterińizge sala keteıik, 2013 jyly 26 aqpanda Astana qalasynyń   Saryarqa aýdandyq sotynda  «Tablıǵı jamaǵat» uıymy ekstremıstik dep tanylyp, onyń qyzmetine Qazaqstan Respýblıkasynyń aýmaǵynda tıym salyndy. Atalǵan  uıym  Qazaqstannan ózge Ózbekstan jáne Reseı elderinde de ekstremıstik aǵym dep tanylyp, qyzmetine tyıym salynǵan.