Almaty oblysynda sút óndirýshilerge arnalǵan konsaltıngtik qyzmet ortalyǵy qurylady
Joba Qazaqstannyń sút salasynda bilikti kadrlardyń tapshylyǵy máselesin sheshýge kómektesedi. AShM basshysy KFM baǵdarlamasyn respýblıkanyń ońtústik óńirlerine masshtabtaý múmkindigine bastamashy boldy. Aýyl sharýashylyǵy mınıstri Erbol Qarashókeev KFM qazaq-german jobasynyń basshysy Ýve Veddıgemen turaqty sút óndirý salasyndaǵy kásiporyndardyń áleýetin arttyrý máselelerin talqylady.
Eske sala keteıik, 2019 jylǵy 6 jeltoqsanda Memleket basshysynyń Berlınge resmı sapary barysynda QR Aýyl sharýashylyǵy mınıstrligi men GFR Federaldyq azyq-túlik jáne aýyl sharýashylyǵy mınıstrligi arasynda kooperatsııalyq jobany iske asyrý jónindegi nıetter týraly birlesken málimdemege qol qoıyldy. 2023 jyldyń qazan aıynda Qazaqstandaǵy KFM jobasynyń 1-kezeńi aıaqtalady.
Halyqaralyq jáne otandyq sarapshylar toby Aqmola, Qostanaı, Pavlodar jáne Soltústik Qazaqstan oblystarynyń 16 pılottyq sharýashylyǵynyń tehnıkalyq jáne basqarýshy personalyna konsýltatsııalar júrgizip, olardyń biliktiligin arttyrady. Tájirıbelik jumys sıyrlardyń ónimdiligin arttyrýǵa, jemge taldaý jasaýǵa, fermadaǵy jumys hattamasyn jasaýǵa jáne ony saqtaýǵa t.b. baǵyttalǵan.
Atalǵan jumystyń qorytyndylary ósim úshin eleýli áleýettiń baryn kórsetti, sondaı-aq jergilikti kásiporyndarmen jáne saladaǵy júıeli ózgeristermen de odan ári jumysty talap etetin birqatar ózekti máselelerdi anyqtady.
Sút jobasyn iske asyrýdyń 2-shi kezeńge ótýi qol jetkizilgen nátıjelerdi bekitýge, respýblıkanyń soltústik jáne ońtústik-shyǵys óńirlerin qamtı otyryp, fermerlerge qoldaý kórsetý shekaralaryn keńeıtýge, bilikti sarapshylar daıarlaýǵa múmkindik beredi.
AShM basshysy Ýve Veddıgege syndarly dıalog úshin, sondaı-aq Germanııanyń Azyq-túlik jáne aýyl sharýashylyǵy federaldy mınıstriniń atyna Qazaqstanda sút óndirisin turaqty keńeıtýge qoldaý kórsetkeni úshin alǵysyn bildirdi.