Almaty oblysynda sýsyz qalǵan eldi mekenderdiń máselesi sheshildi

TALDYQORǴAN. QazAqparat - Almaty oblysyndaǵy Qarasaı jáne Talǵar aýdanyndaǵy aýyz sý máselesi  tolyqtaı sheshildi. Halyq aýyz sýmen qamtyldy, dep habarlaıdy QazAqparat tilshisi.

Esterińizge sala keteıik, qatty aıaz saldarynan Qarasaı aýdanyna qarasty Jańaturmys, Qyrǵaýyldy aýyldary jáne Talǵar qalasynyń halqy aýyz sýsyz qalǵanyn habarlaǵan bolatynbyz. Sýdyń tapshylyǵyna qatty aıaz sebep bolǵan. Sý taý ózenderinen alynady. Al ózenderge muz qatyp, sý jetkizý jumysy qıyndaǵan bolatyn.

«Qazirgi jaǵdaıda aýyz sý máselesi tolyqtaı sheshildi. Mundaı jaǵdaı qaıtalanbas úshin eki brıgada jumys istep jatyr», dep málim etti Almaty oblysy ákiminiń baspasóz hatshysy Ǵalymurat Júkel.