Almaty oblysynda soıa óńdeıtin zaýyt iske qosyldy

ALDYQORǴAN. Shildeniń 1-i. QazAqparat /Sandýǵash Dúısenova/ - Búgin Almaty oblysyndaǵy Іle aýdanynyń Chapaev kentinde «Sarybulaq» kompanııasy JShS-nyń soıa óńdeıtin zaýyty iske qosyldy. Bul Elbasy Nursultan Nazarbaevqa telekópir kezinde tanystyrylǵan ınnovatsııalyq jobalardyń biri.

«Ótken dúısenbide, maýsymnyń 28-inde telekópir kezinde Almaty oblysy Memleket basshysyna ınnovatsııalyq jobalar: Danon fırmasynyń sút óńdeý zvaýytyn, tabıǵı tasty óńdeıtin, ınfýzııalyq eritindiler úshin byrjolǵy júıeler óndirisi zaýyttaryn jáne soıa óńdeıtin eki zaýytty tanystyrdy. Búgin solardyń birin iske qosyp otyrmyz, - dedi Almaty oblysynyń ákimi Serik Úmbetov - Bul zaýyttyń ashylýy aýdannyń ıfraqurylymyn jaqsartýǵa, ımport almastyratyn jáne básekege qabiletti otandyq ónimder baǵdarlamasyn júzege asyrýǵa múmkindik beredi».

Zaýyt soıamen qatar júgeri men rapsty, kúnbaǵys tuqymyn óńdeıdi. Kásiporynnyń óndiristik qýaty jylyna 75 myń tonnaǵa deıin ónim shyǵara alady. Jobanyń quny - 825 mln. teńge. Kásiporyndy salý jáne jaraqtandyrý óz qarajattary esebinen júrgizildi. Munda 60 jumys orny ashyldy, ortasha eńbekaqy - 50 myń teńge.

Búginde kásiporyn oblystyń sharýa qojalyqtarymen jáne Jambyl oblysy fermerlerimen ónim jetkizýge shart jasasty, olardy tuqymmen, tyńaıtqyshpen jáne janar-jaǵarmaıymen qamtamasyz etti.

Budan basqa zaýyt óziniń mashına-tehnıka stansysyn qurmaq. Bul smaqsatqa 15 traktor jáne 7 kombaın satyp alyndy.