Almaty oblysynda sıyrlardy robot saýady

TALDYQORǴAN. QazAqparat - Almaty oblysynyń ákimi Amandyq Batalov issparmen Kóksý aýdanyna shyǵyp, ondaǵy sharýalarmen kezdesti. Sapar barysynda óńir basshysy robottandyrylǵan sıyr saýatyn júıe jumysymen tanysty, dep habarlaıdy QazAqparat tilshisi.

Balpyq bı aýylynda jeke kásipker Rahym Karımov taýarly-sút fermasyn 2017 jyly iske qosqan. Memlekettik-jekeshelik áriptestik negizinde júzege asyrylǵan joba quny 1,3 mlrd teńge. Sharýashylyqqa Germanııadan 334 bas «Golshteın» sıyry ákelindi. Qazirgi tańda 309 basy buzaýlap, 4 robottandyrylǵan keshenmen saýylyp jatyr. Ár sıyr táýligine 30 lıtr sút beredi. Ár bastyń jyldyq ónimdiligi 9 myń tonna sút. Bul ınnovatsııalyq jobanyń basty maqsaty - óńirde sútti baǵyttaǵy mal sharýashylyǵyn damytyp, jergilikti óndirýshi kásiporyndardy sapaly ónimmen qamtý. Jyl sońyna deıin taýarly-sút fermasy 66 taıynsha ákelýdi josparlap otyr. Al, sharýashylyqta 25 adam eńbek etedi.

 Kásiporynnyń jumysymen tanysqan Amandyq Batalov Almaty oblysynda dál osyndaı zamanaýı baǵyttaǵy fermalardyń sany artatynyna senim bildirdi.