Almaty oblysynda shirkeý órtendi
17:46, 06 Aqpan 2018
TALDYQORǴAN. QazAqparat - Almaty oblysy Eńbekshiqazaq aýdanyndaǵy shirkeý órtke orandy. Qyzyl jalynmen órt sóndirýshiler úsh saǵatqa jýyq arpalysty, dep habarlaıdy QazAqparat tilshisi.
Almaty oblystyq TJD baspasóz qyzmetiniń ókili Azamat Jurtbaevtyń aıtýynsha, kezekshi bólimge órt jaıly aqparat saǵat 14:46 mınýt ketkende túsken. Al 17:25 mınýtta órt aýyzdyqtalǵan. Qazir oqıǵa ornynda órt sóndiretin arnaıy úsh tehnıka men 9 qyzmetker jumys istep jatyr.
«Aldyn ala boljam boıynsha órt shamamen 300 sharshy metr jerdi sharpyǵan. Tilsiz jaýdyń naqty neden shyqqany ázirge belgisiz. Bizdiń biliýimizshe, oqıǵa ornynda zardap shekkender joq», - dedi Azamat Jurtbaev.
Aıta ketý kerek, tótenshe jaǵdaı Eńbekshiqazaq aýdanyndaǵy Túrgen aýylynda bolǵan.