Almaty oblysynda sheneýnikter kásipkerdiń ótinishinen negizsiz bas tartqan

QONAEV. QazAqparat - Almaty oblysynda kásipkerdiń jer ýchaskesiniń nysanaly maqsatyn ózgertýge negizsiz bas tartylǵan, dep habarlaıdy QazAqparat tilshisi.

Sybaılas jemqorlyqqa qarsy qyzmet kásipkerdiń jer ýchaskesiniń nysanaly maqsatyn ózgertý boıynsha negizsiz bas tartýdy anyqtady.

Kásipkerler palatasy arqyly Sybaılas jemqorlyqqa qarsy qyzmetke jergilikti atqarýshy organdardyń atalǵan másele boıynsha bas tartýyna qatysty ótinish bildirdi.

Bul ýchaskede ıesi dúken salýdy josparlaǵan.

«Eńbekshiqazaq aýdanynyń ákimdigi ýchaske respýblıkalyq maqsattaǵy avtojoldyń boıyndaǵy beldeýdiń qonystaný aýmaǵynda ornalasqandyǵynan nysanaly maqsatty ózgertýden bas tartqan.

«QazAvtoJol» UK AQ jáne jergilikti atqarýshy organdar ókilderimen ótkizilgen jumys kezdesýdiń barysynda másele kásipkerdiń paıdasyna oń sheshildi. Kásipkerdiń quqyqtary qorǵaldy«,- delingen Sybaılas jemqorlyqqa qarsy is-qımyl agenttiginiń Almaty oblysy boıynsha departamenti baspasóz qyzmetiniń habarlamasynda.