Almaty oblysynda salyq tóleýden jaltarǵan kásipker 5 jylǵa sottaldy
QR QM Qarjy monıtorıngi komıtetiniń Almaty oblysy boıynsha Ekonomıkalyq tergeý departamenti qyzmetkerleri birqatar jalǵan kompanııalardyń basshysyna qatysty salyq tóleýden jaltarý faktisi boıynsha qozǵalǵan qylmystyq isti tergedi.
Tergeý barysynda bul tulǵanyń salyq eseptiligine taýarlar men qyzmetterdi satyp alý týraly jalǵan aqparatty engizý arqyly qurylys-montajdaý qyzmetterin kórsetkeni anyqtaldy.
Osylaısha, ol salyq salý obektilerin jáne basqa tólemderdi jasyryp, deklaratsııaǵa kirister men shyǵystar týraly ádeıi burmalanǵan málimetterdi engizý arqyly birqatar uıymdar atynan bıýdjetke salyq tóleýden jaltarǵan.
«Qylmystyq áreketter nátıjesinde bıýdjetke ótelmegen salyqtar jáne mindetti tólemder túrinde memleketke 1 mlrd 635 mln. teńge somasyna materıaldyq zalal keltirildi.
Sot úkimine sáıkes kúdikti QR QK 245-b. 3-b. qarastyrylǵan qylmysty jasaǵany úshin aıypty bolyp tanylyp, oǵan 3 jylǵa memlekettik jáne kommertsııalyq, sondaı-aq basqa uıymdarda laýazymdardy ıelený quqyǵynan aıyra otyryp, 5 jylǵa bas bostandyǵynan aıyrý jazasy taǵaıyndaldy»,- delingen atalǵan vedomstvonyń habarlamasynda.