Almaty oblysynda salyǵy tólenbegen Toyota Land Cruiser tárkilendi

TALDYQORǴAN. QazAqparat - Almaty oblysynda kólik salyǵy boıynsha bereshegi úshin Toyota Land Cruiser jol talǵamaıtyn kólik tárkilendi. Kólik ıesiniń bereshegi 1 mln teńgeden asyp ketken, dep habarlaıdy QazAqparat Memlekettik kirister komıteti baspasóz qyzmetine silteme jasap.

«Qarasaı aýdany boıynsha Memlekettik kirister basqarmasynyń qyzmetkerleri polıtsııa departamentiniń jáne jeke sot oryndaýshylarynyń óńirlik palatasynyń qyzmetkerlerimen birlesip, joldardaǵy salyq qaryzy bar avtokólikterdi anyqtaý jáne olardy arnaıy aıyppul turaǵyna qoıý boıynsha reıd júrgizý kezinde iri boryshker-avtokólik ıesin ustady», delingen habarlamada.

Reıd Almaty oblysy boıynsha MKD qyzmetkerleri polıtsııa departamenti jáne jeke sot oryndaýshylarynyń palatasymen birlesip uıymdastyrǵan profılaktıkalyq is-shara aıasynda ótkizildi.

«Almaty-Bishkek» avtotrassasynda reıd júrgizý barysynda jol polıtsııasy qyzmetkerleri Toyota Land Cruiser 100 markaly avtokólikti ustady, «KRSPI» bazasynyń málimetterine sáıkes, 2015-2018 jyldary kólik salyǵy boıynsha bereshekteri úshin jalpy somasy 1 268,0 myń teńgege májbúrleý sharalaryn qabyldaý týraly sot oryndaýshysynyń qaýlysy bar.

Iesi qaryzyn ótegenge deıin sot oryndaýshylary kólikti Qarasaı aýdanyndaǵy polıtsııanyń mamandandyrylǵan aıyppul turaǵyna qoıdy. Avtokólik ıesine salyǵy boıynsha qaryzdy óteý mindetteldi.

Salyq tóleýshiler salyq boıynsha bereshektiń bar/joq ekendigi týraly MKK saıtynda teksere alady. , 2019 jyly jeke tulǵalardan kólik quraldaryna salyq tóleý merzimi 2019 jyldyń 31 jeltoqsanynda aıaqtalady.