Almaty oblysynda palýan jigitter túıe kóterýden synǵa tústi

TALDYQORǴAN. QazAqparat - Áppaq qardaı kıiz úıler, halyq bıleri, án shashý,dámdi taǵamdar: ystyq baýyrsaq pen naýryz kóje. Almaty oblysynyń turǵyndary pandemııadan keıin araǵa eki jyl salyp áz Naýryzdy dál osylaı atap ótti, dep habarlaıdy QazAqparat.

Bul kúni oblys ákimi Qanat Bozymbaev kóptiń qýanyshyn bólisti.

Qalyptasqan dástúr boıynsha barlyq negizgi merekelik is-sharalar «Jastar»mádenıet jáne demalys saıabaǵynda ótti.

Sonymen qatar, QR Memlekettik týynyń janyndaǵy alańda qazaq halqynyń salt-dástúrlerimen tanysýǵa bolatyn aqshańqan úıler tigildi.

Sondaı-aq, jastar bı, vokaldyq kompozıtsııalardy oryndaýda óz talanttaryn kórsetti, arnaıy taqyrypqa sýrette saldy.

Sporttyq saıystarda ótkizilip merekeniń shyraıyn asha tústi.

Ásirese, túıe kóterý saıysy kelgen kópti tań qaldyrdy.

Erdiń bilektisi synǵa túsken jarysta Ibragım Bersanov nar kóterýde jeńiske jetti, bul oqıǵa kórermen tańdanysyn týdyrdy.

Al, «Jastar» saıabaǵynyń ortalyq alańynda merekege ázirlegen mádenı baǵdarlama sharyqtaý shegine jetti.

Aıta keteıik, bul kúni oblys ortalyǵynda 2000 lıtr naýryz kóje taratyldy. Budan basqa, túrli qaıyrymdylyq aktsııalary ótkizildi.

Mereke kúni etno -aýyl saltanat qurdy.

Ulystyń uly kúnin toılaýǵa kelgen halyqtyń qarasy qalyń boldy.

Araǵa eki jyl salyp, ótkizilgen alǵashqy dýman-toıdy tamashalaýǵa kelýshilerdiń qýanyshynda shek joq.

Sonyń biri - Álııa Kárimova.

- Biz bul kúndi uzaq kúttik, búgin nemerelerimmen birge alańǵa shyǵyp, naýryz kóje iship, qazaq dástúrlerimen tanysyp, jarystarǵa qatystyq, - dedi Álııa Kárimova.

El-jurt asyǵa kútken áz-Naýryz merekesi sán-saltanatymen Almaty oblysynda atalyp ótti.

Osylaısha, ulys oń, aq mol bolsyn degen nıetpen kelgen kóp tarqasty.