Almaty oblysynda oqýshylarǵa 75 myńnan asa kompıýter satyp alynbaq

TALDYQORǴAN. QazAqparat - Almaty oblysynda jaǵdaıy tómen otbasylardyń balalary mektep tarapynan ýaqytsha kompıýtermen qamtylady. Osy maqsatta jergilikti bıýdjetten 12 mldr teńgeden asa qarajat bólindi, dep habarlaıdy QazAqparat tilshisi.

«Oblysta oqýshylardy kompıýterlik tehnıkamen qamtamasyz etý úlesi 61 paıyzdy quraıdy. Atalǵan máseleni sheshý úshin az qamtylǵan jáne jaǵdaı tómen otbasylardyń balalaryn kompıýtermen qamtasý etý úshin qosymsha 75,6 myń kompıýter satyp alynyp, ýaqytsha paıdalanýǵa beriledi. Tek kompıýterge bólengen qarajat 12,5 mlrd teńge. Arnaıy komıssııa quryldy. Satyp alý jumystary kesheden bastalyp ketti», - dedi Almaty oblysynyń ákimi Amandyq Batalov.

Óńir basshysynyń sózinshe, bıyl oblystyq bilim berý salasynyń bıýdjeti 314,2 mlrd teńgeni qurap otyr. Ol byltyrǵy jylmen salystyrǵanda 108 mlrd teńgege artyq. Jalpy oblysta áleýmettik salaǵa bólingen bıýdjet qarajatynyń 65% bilim salasyna baǵyttalǵan.