Almaty oblysynda «Nur Otan» partııasynyń saılaýaldy shtaby quryldy
Oblystyq saılaýaldy shtabtyń maqsaty Qazaqstan Respýblıkasy Prezıdenttigine kandıdattyń saılaýaldy kampanııasyn jáne aımaqtyq, aýmaqtyq saılaýaldy shtabtary jumystaryn uıymdastyrý, úılestirý jáne baqylaý bolyp tabylady.
Jıynǵa oblystyq partııa fılıalynyń basshylyǵy, oblystyq saılaýaldy shtabynyń músheleri, kezekten tys HІH sezd delegattary, «Jas Otan» jastar qanatynyń belsendileri qatysty.
Shtab basshysy bolyp oblystyq partııa fılıaly tóraǵasynyń birinshi orynbasary Ǵalıasqar Sarybaev taǵaıyndaldy.
«Almaty oblysy boıynsha 334 saılaý okrýgi, 1040 saılaý ýchaskesi jumys jasaıdy. 20 aýdandyq, qalalyq, 1 oblystyq shtabta 396 adam jumys isteıdi, onyń ishinde 114 adam - jastar tobynda», - dedi Ǵalıasqar Sarybaev.
Shtab músheleriniń jumys jospary jasalyp, aldaǵy jaýapty kezeńde atqarylatyn jumystardyń basty baǵyttary saralandy.
23 sáýirde Nur-Sultan qalasynda Elbasy, partııa Tóraǵasy N.Nazarbaevtyń qatysýymen «Nur Otan» partııasynyń kezekten tys HІH sezi ótip, oǵan elimizdiń barlyq óńirinen 623 delegat qatysty.
Aıta keteıik, budan buryn ótken prezıdent saılaýynda Almaty oblysynda elektorattyń 98 paıyzy daýys berdi.