Almaty oblysynda memqyzmetkerler attestatsııasynyń ekinshi kezeńi bastaldy

TALDYQORǴAN. QazAqparat - Almaty oblysynda «B» korpýsyndaǵy memlekettik qyzmetkerlerge arnalǵan keshendi attestattaýdyń ekinshi kezeńi bastaldy, dep habarlaıdy QazAqparat tilshisi.

Birinshi kezeńde test arqyly olardyń kásibı deńgeıi men atqaryp júrgen qyzmetine sáıkestigi anyqtalǵan bolatyn. Al bul joly synaq áńgimelesý túrinde ótýde. Almaty oblysynda 5800-ge jýyq memlekettik qyzmetker keshendi attestatsııa tapsyrýy tıis. Qazir 360 adam ekinshi kezeńdegi suraq-jaýaptardan súrinbeı ótti. Kórsetken nátıjelerine sáıkes birinshi kúni 26 adamnyń laýazymyn joǵarylatý usynylyp, 5 maman óziniń qyzmetine saı emes, tómendetilgen qyzmetke jiberildi. Synaqqa qatysqandardyń  aıtýynsha, ózine senimdi jáne óz jumysyn jaqsy biletin qyzmetkerlerge bul shekteý emes. Kerisinshe jańa múmkindik. Sondaı-aq olar komıssııa músheleriniń suraqtary tek qana jumys babymen ǵana óte oryndy qoıylǵanyn tilge tıek etti.