Almaty oblysynda mektepti jóndeýge bólingen 57 mln teńgeni jymqyrǵan kompanııa basshysy sottaldy

QONAEV. QazAqparat - Almaty oblysynda mektepti jóndeýge bólingen 57 mln teńgeni jymqyrǵan kompanııa basshysy sottaldy, dep habarlaıdy QazAqparat tilshisi.

57,5 mln teńgeni menshiktep aldy dep aıyptalǵan qurylys kompanııasynyń basshysyna sot úkim kesti.

Qarjylyq monıtorıng agenttigi taratqan málimetke saı, 2020 jyly eki mekteptiń kúrdeli jóndeýine 855 mln teńge bólingen. Bilim oshaqtary Sarybastaý jáne Qaraǵash aýyldarynda ornalasqan. Jumys barysynda merdiger kompanııa jumysty tolyq oryndamaı, jalǵan qujat jasaǵan. Sot úkimimen memleketke keltirilgen shyǵyn tolyǵymen óteldi.