Almaty oblysynda mektep oqýshysy taptalyp qala jazdady

QONAEV. QazAqparat - Almaty oblysy, Talǵar aýdanynda mektep oqýshysy syrt kıimin almaq bolǵanda qulap, ony balalar taptap kete jazdady. Osyǵan baılanysty mektep dırektoryna sógis jarııalandy, dep habarlaıdy QazAqparat tilshisi.

Onyń vıdeosy áleýmettik jelide tarady. Oqıǵa Talǵar aýdanyndaǵy №3 mektepte bolǵan.

«Sabaq ýaqyty bitken soń, balalar jappaı garderobqa syrt kıimine qaraı júgirdi. Kýágerlerdiń aıtýynsha, qyz edenge qulap, esinen tanyp qalǵan. Oqıǵa keshe bolǵan. Osy oqıǵadan keıin mektep shtatta kıim iletin jerde turatyn adam bolmaǵandyqtan, syrt kıimderin synypqa alyp kirýge ruqsat etti», - delingen habarlamada.

Almaty oblysynyń ákimdigi oqıǵanyń 17 qarashada Abaı atyndaǵy №3 mekteptiń garderobynda ekinshi aýysymda sabaq bitken kezde bolǵanyn aıtty.

«Ol ýaqytta kezekshi muǵalim shyǵa beriste turǵan, 6-synyp oqýshysy kóp balanyń ortasynda qysylyp keıin qulap qalǵan. Onyń ornynan turýyna synyptastary men kezekshi muǵalim kómektesti, oqýshy esinen tanyp qalǵan joq. Qazirgi ýaqytta qyz ózin jaqsy sezinedi, onyń densaýlyǵy men ómirine qaýip tónip turǵan joq», - dedi ákimdiktegiler.

Vedomstvonyń habarlaýynsha, QR Eńbek kodeksiniń 64-baby 2-tarmaǵyna sáıkes mektep dırektory J.Qumarova tárbıe jumysyndaǵy olqylyq úshin sógis túrindegi tártiptik jazaǵa tartyldy. Sondaı-aq, oǵan oqýshylardyń qaýipsizdigin qamtamasyz etý jumystaryn kúsheıtý, ata-analarmen aqparattyq-túsindirý jumystaryn uıymdastyrý jóninde tapsyrma berildi.