Almaty oblysynda lıtsenzııasyz ishimdik satqan kásipker anyqtaldy
17:21, 11 Jeltoqsan 2019
TALDYQORǴAN. QazAqparat – Almaty oblysynda lıtsenzııasyz ishimdik satqan kásipker anyqtaldy, dep habarlaıdy QazAqparat Memlekettik kirister komıtetine silteme jasap.
«Qarasaı aýdany boıynsha memlekettik kirister basqarmasynyń qyzmetkerleri 10 jeltoqsan kúni tekserý barysynda aýdan aýmaǵynda alkogol ónimin ruqsat qujattarynsyz satqan dúkendi anyqtady. Atap aıtqanda, lıtsenzııasyz jáne ilespe qujatsyz, quny 195 400 teńge bolatyn 716 bótelke alkogol ónimi dúken qoımasynda tabyldy», delingen habarlamada.
Komıtet baspasóz qyzmetiniń málimetinshe, atalǵan is boıynsha materıal Qarasaı aýdandyq sotyna ákimshilik jaýapkershilikke tartý týraly sheshim qabyldaý úshin jiberilgen.