Almaty oblysynda Qyzylaǵash oqıǵasyn eske alý mıtıngisi keıinge shegerildi

TALDYQORǴAN. QazAqparat - Almaty oblysyndaǵy Qyzylaǵash apatyna 10 jyl tolýyna oraı eske alý mıtıngisi keıinge shegerildi. Bul — álemde koronavırýs dertiniń taralýyna baılanysty saqtyq sharalary, dep habarlaıdy QazAqparat tilshisi.

Elimizde koronavırýstyń taralý qaýpi basym bolǵandyqtan, oblys basshylyǵy eske alý mıtıngisin belgisiz merzimge shegerip otyr. Aýyl jurtshylyǵy qaıǵyly jaǵdaıdy eske alyp, opat bolǵandar rýhyna quran baǵyshtap, úlken as berýdi josparlaǵan bolatyn.

«Qazirgi jaǵdaıǵa baılanysty Covid-19 vırýsynyń taralýynyń aldyn alý sharalary negizinde bul as keıinge qaldyryldy. Ýaqyty belgisiz. Biraq jaǵdaı turaqtalǵannan keıin mindetti túrde atalyp ótiletin bolady», — deıdi Almaty oblysy ákiminiń baspasóz hatshysy Ǵalymurat Júkel.

Esterińizge sala keteıik, 2010 jyly naýryzdyń 11-nen 12-ne qaraǵan túni tolassyz jaýǵan qar men jańbyr saldarynan Qyzylaǵash sý qoımasynyń bógeti shydas bermeı, búkil bir aýyldy sý shaıyp ketken bolatyn. Aldyn-ala dabyl qaǵylyp, turǵyndarǵa eskertý jasalsa da 45 adam qaza tapty. 400-den asa úı qırap, 3 myńdaı adam baspanasyz qalǵan bolatyn.

Foto: nege.kz