Almaty oblysynda quny 360 mln teńge turatyn kıik múıizi tárkilendi
Almaty oblysy Polıtsııa departamentiniń Uıymdasqan qylmyspen kúres basqarmasynyń qyzmetkerleri 25 shilde kúni jedel-izdestirý sharalaryn júzege asyrý barysynda kıik múıizin zańsyz alyp bara jatqan bir top adamdy ustady.
«Jedel izdestirý jumystary barysynda «Almaty-Bishkek» respýblıkalyq trassasynyń barysynda soltústikke qaraı ketip bara jatqan kólik toqtatyldy. Kóliktiń salonynan 2048 dana kıik múıizi salynǵan 13 qap tabyldy. Aýmaqtyq orman sharýashylyǵy ókilderiniń aldyn ala esebi boıynsha memleketke kelgen shyǵyn 360 mln teńgeni qurap otyr. Ustalǵan kúdiktilerge qatysty QR QK 339 baby boıynsha qylmystyq is qozǵaldy. Kúdiktiler ýaqytsha ustaý ızolıatoryna qamaldy. Tergeý júrip jatyr»,-dedi Almaty oblystyq Polıtsııa departamenti bastyǵynyń orynbasary Eldar Ábdikenov.
Sondaı-aq osy ýaqytta múıizderdiń qaıdan alynǵan anyqtalyp jatyr.