Almaty oblysynda quny 1,3 mlrd teńge bolatyn aktsızi joq temeki saqtalǵan qoıma tabyldy

ASTANA. QazAqparat – Qarjylyq monıtorıng agenttiginiń Almaty oblysy boıynsha departamentiniń ókilderi aktsızdik tólemsiz astyrtyn satýǵa arnalǵan 2 mln asa sheteldik temeki qoraptary saqtalǵan qoımany tapty, dep habarlaıdy QazAqparat.

Qarjylyq monıtorıng agenttiginiń baspasóz qyzmeti taratqan málimettergeqaraǵanda, tergep-tekserý barysynda temeki ónimderiniń quny 1,3 mlrd teńgeni, al tólenbegen aktsız sommasy 580 mln teńgeni quraıtyny anyqtaldy.

Qylmystyq is sotqa joldanyp, temeki ónimderi el aýmaǵynda satýǵa jaramsyz bolǵandyǵyna baılanysty (tehnıkalyq talaptarǵa sáıkes kelmeýi) joıyldy.

QR QPK 201-babyna sáıkes ózge aqparat jarııa etýge jatpaıdy.

Qarjylyq monıtorıng agenttigi el azamattarynyń densaýlyǵyna orny tolmas zııan keltiretin qylmystardy anyqtaý jáne jolyn kesý jónindegi belsendi jumysty jalǵastyratyn bolady.

«QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi»,-delingen habarlamada.