Almaty oblysynda kún saıyn 200-ge jýyq naýqas koronavırýspen aýrýhanaǵa túsedi

NUR-SULTAN. QazAqparat –Almaty oblysynda ınfektsııalyq statsıonarlardyń 40 paıyzy bos emes. Bul týraly oblys ákimniń orynbasary Batyrjan Baıjumanov ortalyq kommýnıkatsııalar qyzmetinde ótip jatqan brıfıngide aıtty, dep habarlaıdy QazAqparat tilshisi.

«Sońǵy eki aptada oblysta koronavırýspen aýyrǵandardyń ósý qarqyny 0,9 paıyzdan 0,6 paıyzǵa tómendedi. Óńir «qyzyl» aımaqta. Sońǵy táýlikte indet juqtyrýdyń 218 jaǵdaıy anyqtaldy. Onyń ishinde 35 bala bar. Aýrýhanalarǵa koronavırýs ınfektsııasymen kúndelikti 200-ge jýyq adam túsýde. Aýyrǵan adamdardyń jas ereksheligine qarasaq, eń kóbi - 50 jáne odan joǵarny jastaǵylar (43 paıyz). Odan keıin 30-49 jas aralyǵyndaǵylar – 30 paıyz. 20-29 jas aralyǵyndaǵylar – 17 paıyz, 14 jasqa deıingi balalar - 14 paıyz», - dedi ákimdik ókili.

Onyń atýyna qaraǵanda, óńirdegi ınfektsııalyq statsıonarlardyń 40 paıyzy bos emes.

«Reanımatsııa bólimindegi tósekterdiń 15 paıyzy bos emes, 72 adam em alyp jatyr. Ambýlatorııalyq emdeýde 5371 naýqas bar. Atalǵan naýqastarǵa 391 mobıldi brıgada qyzmet kórsetedi. 1 qyrkúıekten bastap mobıldi brıgada 18 myń adamǵa qyzmet kórsetti. Sonymen qatar, oblys halqyna 206 jedel járdem brıgadasy kómek kórsetýde», - dedi oblys ákiminiń orynbasary.