Almaty oblysynda koronavırýsty juqtyrý bir táýlikte 0,8% artty
Almaty oblystyq Sanıtarııalyq-epıdemıologııalyq baqylaý departamentiniń baspasóz qyzmeti taratqan málimetke sáıkes, oblysta koronavırýs ınfektsııasy boıynsha epıdemıologııalyq jaǵdaı búgingi kúnde turaqty emes dep baǵalanady. Óńir qyzyl aımaqta ornalasqan. Epıdemıologııalyq matrıtsa boıynsha Alakól, Talǵar, Balqash, Eńbekshiqazaq, Panfılov, Sarqan aýdandary, Tekeli jáne Taldyqorǵan qalalary «qyzyl» aımaqta, Іle, Qaratal, Jambyl, Kerbulaq, Kóksý, Uıǵyr jáne Aqsý aýdandary «sary» aımaqta, qalǵan qalalar men aýdandar «jasyl» aımaqta ornalasqan.
Sońǵy táýlikte KVI-diń 300 jaǵdaıy tirkeldi. Ósý qarqyny – 0,8%. 266 sımptomdyq jaǵdaıdyń 246-y naýqastyń aýrýhanaǵa ózi júgingen kezinde, 20 jaǵdaı naýqaspen baılanysta bolǵanda anyqtaldy. Kásibı tekserý kezinde 34 sımptomsyz jaǵdaı anyqtaldy.
Koronavırýs anyqtalǵan 300 jaǵdaıdyń 61-i – 14 jasqa deıingi balalar, oqýshylar arasynda – 14 jáne stýdentter arasynda 4 derek tirkeldi.
«Sońǵy táýlikte oblys óńirleri arasynda KVI aýrýshańdyǵy mynadaı: Alakól–21, Balqash–12, Eńbekshiqazaq - 24, Eskeldi–12, Jambyl–21, Іle - 31, Qarasaı – 20, Qaratal - 14, Kerbulaq - 13, Kegen - 5, Kóksý - 9, Panfılov–25, Raıymbek – 2, Sarqan – 7, Talǵar–37, Uıǵyr–11, Qapshaǵaı qalasy – 5, Taldyqorǵan qalasy–19, Tekeli – 12», - delingen atalǵan vedomstvonyń baspasóz qyzmeti taratqan habarlamada.
2020 jyldyń Naýryz aıynan bastap koronavırýstyń zerthanalyq rastalǵan 35 823 jaǵdaıy tirkeldi.
100 myń turǵynǵa shaqqanda KVI syrqattanýshylyq kórsetkishi – 1676,0 qurady. 2020 jyldyń basynan beri oblystyq syrqattanýshylyq kórsetkishiniń artýy Tekeli qalasynda 1281 jaǵdaı, Taldyqorǵan qalasynda 7913, Kóksý aýdanynda 1075, Qaratal aýdanynda 1433, Panfılov aýdanynda 2252, Uıǵyr aýdanynda 1263, Eskeldi aýdanynda 965, Talǵar aýdanynda 4440 anyqtaldy.
Sońǵy 2 aptalyq salystyrý kezinde indettiń ósý qarqyny bir deńgeıde 0,9%. Sońǵy aptada eń joǵary ósý qarqyny Alakól - 2,3% (125 jaǵdaı), Balqash - 1,4% (52 jaǵdaı), Eskeldi - 1,5% (94 jaǵdaı), Qarasaı - 1,5% (247 jaǵdaı), Qaratal - 1,2% (118 jaǵdaı), Kerbulaq - 1,7% (82 jaǵdaı), Sarqan - 1,6% (50 jaǵdaı), Kegen - 2,0% (23) aýdandarynda tirkelgen.