Almaty oblysynda koronavırýspen 3,5 myńnan astam medıtsına qyzmetkeri kúresýde
«Onyń ishinde 851-i dáriger, 2514-i orta jáne kishi medıtsınalyq personal. Provızorlyq bólimde tósek qorynyń ulǵaıýyna baılanysty kadrlar jetispeıdi. Jalpy alǵanda, 156 dáriger qajet (onyń ishinde pýlmonolog maman - 8, epıdemıolog - 38, terapevt dáriger - 110)», - dedi Almaty oblys ákiminiń orynbasary Batyrjan Baıjumanov jýrnalısterge arnalǵan brıfıngte.
Onyń aıtýynsha, búginde rezıdentýrada oqıtyn dárigerler, medıtsınalyq ýnıversıtetter men kolledjderdiń túlekteri de jumyldyrylýda.
«Infektsııalyq jáne ýaqytsha aýrýhanalarda jumys isteıtin medıtsına qyzmetkerleri úshin qonaqúıler men tamaqtaný uıymdastyrylǵan. Barlyq dárigerler jeke qorǵanys quraldarymen 100% qamtamasyz etilgen. Búgingi tańda oblysta bir aıǵa jetetin jeke qorǵanys quraldary bar. Onyń ishinde 850 myń betperde, 150 myń jup qolǵap jáne 45 myń jıyntyqqa arnalǵan bir ret qoldanylatyn qorǵanys kostıýmderi bar», - dedi B. Baıjumanov.