Almaty oblysynda koronavırýs juqtyrý kórsetkishi tómendedi
«Sońǵy táýlikte KVI-diń 13 jaǵdaıy tirkeldi. Ósý qarqyny – 0,05%, onyń ishinde 7 - sımptommen (53,8%) jáne 6 - sımptomsyz (46,2%) jaǵdaı. 20 maýsymda oblys óńirleri boıynsha KVI kórsetkishi Jambyl aýdanynda - 3, Qarasaıda - 1, Qaratalda - 1, Kerbulaqta -1, Talǵarda - 2, Taldyqorǵan qalasynda – 5 jaǵdaıdan tirkeldi» delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Vedomstvonyń aqparatyna sáıkes, 21 maýsymǵa sheıin oblysta KVI-diń 27 006 jaǵdaıy tirkelgen. Onyń ishinde sımptommen - 16 966.
«Oblys boıynsha KVI ósý qarqyny sońǵy 2 aptada 0,2%-dan (06.06-12.06), 0,1% deıin azaıdy. Sońǵy aptada eń joǵary ósý qarqyny Qaratal - 0,3%, Talǵar -0,2% aýdandarynda baıqalady. 26 037 naýqas jazylyp shyqty. Bir táýlik ishinde statsıonardan 9 patsıent emdelip shyqty. 15 adam úıden oqshaýlaýdan shyǵaryldy» dep tolyqtyrdy atalǵan vedomstvonyń baspasóz qyzmeti.