Almaty oblysynda qordaılyq sarbaz qaza tapty
13:21, 23 Mamyr 2016
TALDYQORǴAN. QazAqparat - 21 mamyr kúni ǵımaratta bólshekteý jumystaryn júrgizip jatqan kezde, qurylystyń bir bóligi qırap, qurylys bólshekteriniń biri qatar turǵan 12740 áskerı bóliminiń áskerı qyzmetshisi E. Jaqashevtiń ústine qulady. Aýyr jaraqat alǵan ol Saryózek áskerı lazeretinde kóz jumdy. Bul týraly QR Qorǵanys mınıstrliginiń baspasóz qyzmeti habarlady.
12740 áskerı bóliminiń jedel qyzmet áskerı qyzmetshisi 1997 jyly týǵan Eskendir Jaqashev atqysh-zenıtshi bolǵan. 2015 jyly áskerge Jambyl oblysy Qordaı aýdanynan shaqyrtylǵan.
Qyzmettik tergeý barysynda 21 mamyrda 12740 áskerı bóliminde sharýashylyq kúni ótkizilgeni anyqtaldy. Sonyń barysynda bólimniń jáne jaýyngerlik kólikter turaǵynyń aýmaǵynda jumystar uıymdastyrylǵan.
Tótenshe oqıǵanyń basty sebebi jumys júrgizý kezinde qaýipsizdik erejeleriniń saqtalmaýy. Qazirgi ýaqytta qaza tapqan áskerı qyzmetshiniń otbasyna barlyq materıaldyq tólemder júzege asyryldy.
Qarýly kúshterdiń Tártip jarǵysyna sáıkes materıaldar is júrgizý úshin áskerı quqyq qorǵaý organdaryna jiberildi.