Almaty oblysynda kooperatıv túrindegi qarjy pıramıdasy anyqtaldy
«Qazaqstan Respýblıkasy Qarjylyq monıtorıng agenttiginiń Almaty oblysy boıynsha aýmaqtyq departamenti «Elimaı-201» TK qarjy pıramıdasyn qurý jáne basshylyq etý faktisi boıynsha sotqa deıingi tergep-tekserý júrgizip jatyr. Uıymdastyrýshylar azamattardyń qarajatyn turǵyn úı kooperatıvi retinde tartty. Qazirgi ýaqytta 90-nan astam zardap shekken adam júgindi», - delingen vedomstvo aqparatynda.
Agenttik málimetinshe, tergeý amaldary barysynda zardap shekkenderdiń sany budan da kóp ekendigi anyqtalyp otyr. Osyǵan baılanysty agenttiktiń Almaty oblysy boıynsha aýmaqtyq departamenti zardap shekken azamattardy Ótegen batyr kenti, Battalhanov kóshesi 11A meken-jaıyna nemese +7 (727) 251-71-06 senim telefony arqyly habarlasýdy suraıdy.
«Elimaı-2019» kooperatıviniń basshysy Erbol Qızbaev pen onyń jubaıy Jazıra Ómirbaevaǵa memleketaralyq izdeý jarııalandy. Olardyń turǵylyqty jeri týraly qandaı da bir aqparat bolsa departamenttiń 8 (727) 251-71-06 telefon nómiri nemese uıaly baılanys telefony boıynsha izdestirý bólimine habarlaýdy suraımyz: +7-701-228-02-15. Qurmetti azamattar! QR Qarjy monıtorıngi agenttigi saq bolýdy jáne qysqa merzimde «joǵary tabysqa» jetýge ýáde beretin kúdikti jobalarǵa aqsha qarajatyn salýdan bas tartýǵa shaqyrady», - delingen agenttik aqparatynda.