Almaty oblysynda komendanttyq saǵat ýaqyty ózgerdi

ALMATY OBLYSY. QazAqparat- Almaty oblysy Polıtsııa departamentiniń basshysy Serik Kúdebaev halyqqa úndeý jasap, óńirdegi komendanttyq saǵat ýaqyty ózgeretinin málim etti, dep habarlaıdy QazAqparat tilshisi.

«Qazir oblystaǵy jaǵdaı turaqty, soǵan baılanysty 12 qańtardan bastap komendanttyq saǵattyń ýaqyty ózgerdi. ıAǵnı, azamattardyń júrýine qoıylǵan shekteý saǵat 20:00-den emes, 23:00-den bastap tańǵy 07:00-ge deıin bolady. Barlyq turǵyndardan jeke káýilikterin alyp júrýdi jáne TJ talaptaryn qatań saqtaýlaryńyzdy suraımyn»,-dedi Serik Kúdebaev.

Onyń aıtýynsha, jappaı tártipsizdik kezinde óńirdegi dúkender tonalyp, ákimshilik ǵımarattary búlingen. Quqyqtyq tártipti qamtamasyz etý boıynsha qyzmettik boryshyn atqaryp júrgen polıtseıler men Ulttyq gvardııanyń áskerı qyzmetkerleri qaza tapty.

Jaǵdaıdy turaqtandyrý maqsatynda blok-beketter qoıyldy. Onda polıtsııa men áskerıler táýlik boıy jumys istep jatyr. 35 avtopatrýl qala tynyshtyǵyn táýligine úzdiksiz baqylaýda, oǵan qosa 20 jasaq patrýli kúndiz kúzetedi.

Sonymen qatar, ol tártipsizdik pen dúnıe-múlikti tonaý qylmysyna qatysy bar degen kúdikpen 700-den astam adam ustalǵanyn aıtty. 65 qylmystyq is qozǵalyp, 62 adam ýaqytsha ustaý ızolıatoryna qamaldy. Arnaıy operatsııa barysynda qylmyskerlerden 100-ge jýyq atys qarýy alyndy.

Sondaı-aq ol halyqqa úndeý jasap, buzaqylyq pen maroderlik iske qatysy bar adamdar jaıly málimet bar bolsa polıtsııaǵa habarlaýdy surady.