Almaty oblysynda qaza tapqan áskerılerdiń otbasyna 5 mln teńge ótemaqy tólendi

TALDYQORǴAN. QazAqparat - Prezıdenttiń qatysýymen ótken Úkimettiń keńeıtilgen otyrysynda Almaty oblysynyń ákimi Qanat Bozymbaev qasiretti qańtar oqıǵasynda ajal qushqan áskerılerdiń otbasyna kómek kórsetilgendigin málim etti, dep habarlaıdy QazAqparat tilshisi.

Oblys ákiminiń aıtýynsha, qaza tapqan 8 kúshtik qurylym qyzmetkerleri otbasylarynyń árqaısysyna 5 mln teńgeden ótemaqy tólendi. Sondaı-aq, ekinshi deńgeıli banktermen qaza tapqandar men olardyń týystarynyń nesıeleri keshirildi.

«Zardap shekken 135 polıtsııa qyzmetkeri men áskerı qyzmetshilerge 2 mln teńgege deıin tólenýde. Muqtaj tórt otbasyǵa turǵyn úı satyp alynýda»,-dedi óńir basshysy.

Aıta keteıik, Prezıdenttiń tapsyrmasyna sáıkes oblys ortalyǵynda qalpyna keltirý jumystary belsendi júrgizilýde. Oblys ákimdigi, polıtsııa basqarmasy jáne «Nur Otan»

partııasy ǵımarattaryna jóndeý jumystary jasalynyp jatyr. Aldyn ala esepteýler boıynsha 5,9 mlrd teńge qajet.