Almaty oblysynda kámeletke tolmaǵandardy beıimdeý ortalyǵyna 13 jasóspirim jetkizildi
Almaty oblysynyń tártip saqshylary «Jasóspirim» jedel aldyn alý is-sharasyn ótkizgen alty kún ishinde 1052 ákimshilik quqyq buzýshylyqty anyqtady. Onyń 23 jaǵdaıynda jasóspirimder alkogoldik ishimdik ishken.
«Kámeletke tolmaǵandar isi jónindegi ınspektorlar 9-18 qarasha aralyǵynda»Jasóspirim« profılaktıkalyq is-sharasyn ótkizdi. Bul aktsııanyń maqsaty kámeletke tolmaǵandar arasynda, sondaı - aq olarǵa qatysty qylmystar men quqyq buzýshylyqtardyń aldyn alý boıynsha júrgiziledi», - delingen Almaty oblystyq Polıtsııa departamenti baspasóz qyzmetiniń aqparatynda.
Sondaı-aq, jedel-aldyn alý is-sharalarynyń qorytyndysy boıynsha tártip saqshylary polıtsııaǵa 890 jasóspirimdi jetkizgenin atap ótti. Onyń ishinde 849 fakti kámeletke tolmaǵandardyń zańdy ókilderiniń erip júrýinsiz turǵyn úıden saǵat 23-ten tańǵy 6-ǵa deıin shyǵýy sebep bolǵan.
Aldyn alý is-sharalaryn ótkizý kezeńinde oblys aýmaǵynda 1541 oıyn-saýyq mekemeleri tekserildi. Kámeletke tolmaǵandardy beıimdeý ortalyǵyna 13 jasóspirim jetkizildi.