Almaty oblysynda Iran memleketiniń mádenıet kúni ótýde

TALDYQORǴAN. QazAqparat - Búgin Taldyqorǵanda Iran Islam Respýblıkasynyń mádenıet kúni ótýde. Qaladaǵy Jýrnalıster úıinde atalǵan eldiń tarıhynan syr shertetin arnaıy kórme uıymdastyryldy. Qyzyqty eksponatqa toly dúnıelerge qyzyǵýshylyq tanytyp,  tamashalap jatqandar kóp, dep habarlaıdy QazAqparat tilshisi.

Shara barysynda Almaty oblysynyń ishki saıasat basqarmasy men Iran Islam Respýblıkasynyń Bas konsýldyǵy janyndaǵy Mádenı ókildik arasynda yntymaqtastyq memorandýmyna qol qoıyldy. Qujattyń basty maqsaty eki el arasyndaǵy tarıhı, mádenı, týrızm syndy salalardy nasıhattap, qarym-qatynasty odan ári nyǵaıtý. 

 

Almaty qalasyndaǵy IIR-diń Bas konsýldyǵy janyndaǵy mádenı ókildik dırektory Seıed Djavad Djalalı óz sózinde, Qazaqstan men Iran eli arasyndaǵy resmı dıplomatııalyq qarym-qatynasqa  25 jyl tolýymen jınalǵandardy quttyqtady. Kaspıı jaǵalaýynda ornalasqan kórshi eldiń ókili aradaǵy qarym-qatynastyń  nyǵaıa beretinine zor senim bildirip, sharany uıymdastyrǵan  Almaty oblysynyń ishki saıasat basqarmasynyń basshysyna alǵysyn bildirdi.

 

Sondaı-aq, qonaqtarǵa arnaıy mádenı-demalys ekskýrsııasyn uıymdastyrý josparlanyp otyr. Shara aıasynda olar jańadan boı kótergen nysandardy aralap, tarıhı-ólketaný murajaıynyń tynys-tirshiligimen tanysady.