Almaty oblysynda eresek halyqtyń 70 paıyzǵa jýyǵy vaktsına aldy

TALDYQORǴAN. QazAqparat - Almaty oblysynda epıdemılogııalyq ahýal jaqsaryp keledi. Qyzyl aımaqtan shyqqaly óńirde eń tómengi kórsetkish tirkelip otyr, dep habarlaıdy QazAqparat tilshisi.

Sońǵy táýlikte 34 adamnan koronavırýs anyqtalǵan. Olar - 10 aýdan men Taldyqorǵan qalasynyń turǵyndary.

Sáıkesinshe qalǵan 7 aýdan men Tekeli, Qapshaǵaı qalalarynda ótken táýlikte indet juqtyrý tirkelmegen.

Oblysta 824 myńǵa jýyq turǵyn ekpeniń birinshi komponentin saldyrǵan. Bul - jalpy ekpe alatyn halyqtyń 69 paıyzy.

Óńirde vaktsınanyń birinshi komponenttiniń 81 myń, ekinshi komponenttiń 149 myń doza qory bar.

«Oblysqa ótken aptada Pfizer vaktsınasynyń tońazytqyshtary kelgen bolatyn. Aldaǵy ýaqytta sol vaktsınanyń 70 myń dozasyn kútip otyrmyz. Osy nemese kelesi aptada jetkiziledi»,- dedi Almaty oblystyq sanıtarııalyq-epıdemıologııalyq-epıdemıologııalyq baqylaý departamenti baspasóz qyzmetiniń ókili Álııa Shaǵıahmet.