Almaty oblysynda «English for Jastar» jobasy bastaý aldy
Bul joba aıasynda aǵylshyn tilin jetik biletin eriktiler men aǵylshyn tilinde emin-erkin sóıleıtin sheteldik azamattardan qurylǵan toptar oqýshylarǵa mektep baǵdarlamasynan tys aǵylshyn tilin jetildirýge at salysady. Almaty oblysynda eriktiler Aqsý, Alakól, Kóksý, Qaratal, Kerbulaq jáne Panfılov aýdandaryna baryp, 2-2,5 aı oqýshylarmen jumys isteıtin bolady. Atap aıtqanda erkin formatta kezdesýler uıymdastyryp, semınar-trenıng, pikir saıystar ótkizip, jastardyń aǵylshyn tilin meńgerýge bar kúshterin salady.
Jańa jobanyń alǵashqy dárisi Kóksý aýdanyndaǵy kovorkıng ortalyǵynda ótti. Іlııas Jansúgirov atyndaǵy Jetisý memlekettik ýnıversıtetiniń 4-shi kýrs stýdentteri Balpyq bı aýylyndaǵy Aldabergenov orta mektebiniń joǵarǵy synyptaryna sabaq júrgizdi.
«Bul jobanyń eń tıimdi jeri - aýyl turǵyndaryna qol jetimdiligi», deıdi «Nur Otan» partııasy Almaty oblystyq fılıaly tóraǵasynyń orynbasary Serik Nurqadyrov.
Partııa ókili: «Árbir ata-ana balasynyń aǵylshyn tilin úırengenin qalaıdy. Biraq kóbiniń múmkindigi bola bermeıdi. Sebebi kóp jerlerde aǵylshyn tili kýrstary aqyly. Sondyqtan bul joba negizinen shalǵaıdaǵy aýyl turǵyndaryna baǵyttalyp otyr», - dedi.