Almaty oblysynda Elbasynyń 90-ǵa jýyq jeke zattary qoıylǵan ortalyq ashylady
23:33, 28 Qarasha 2017
TALDYQORǴAN. QazAqparat - Almaty oblysynda Tuńǵysh Prezıdent kúnine oraı 35 jańa nysan ashylady. Sonyń ishinde eń aıtýlysy - 1 jeltoqsanda Qarasaı aýdanynyń Shamalǵan aýylynda Qazaqstan Respýblıkasynyń Tuńǵysh Prezıdenti - Elbasynyń «Atameken» tarıhı-mádenı ortalyǵy, dep habarlaıdy QazAqparat tilshisi.
Ortalyqtaǵy árbir jádigerdiń óz tarıhy bar. Olardyń qaı-qaısysy da Elbasynyń balalyq shaǵynan bastap búgingi kúnge deıingi ómir belesterin tanytady. Qorda Prezıdenttiń 90-ǵa jýyq jeke zattary, 250-den astam túrli kitap bar. Jádigerler Qazaqstan Respýblıkasynyń Tuńǵysh Prezıdenti qory, kitaphanasy men mýzeıi, QR Prezıdenti Іs basqarmasy, QR Ulttyq kitaphanasy men Ulttyq akademııalyq kitaphana tarapynan usynyldy.