Almaty oblysynda eki mektepti jóndeýge bólingen qarajattan aqsha jymqyrǵan kompanııa basshysy sottaldy

QONAEV. QazAqparat – Almaty oblysynda eki mektepti jóndeý barysynda asa iri mólsherde múlikti jymqyrý isi boıynsha tergeý aıaqtaldy, dep habarlaıdy QazAqparat Qarjylyq monıtorıng agenttigine silteme jasap.

2020 jyldyń mamyr aıynda Almaty oblysy Kerbulaq aýdanynyń bilim bólimi men «PMK-7K» JShS arasynda jalpy somasy 855 mln teńge bolǵan «Sarybastaý» jáne «Qaraǵash» aýyldaryndaǵy eki mekteptiń kúrdeli jóndeýin ótkizýge shart jasalǵan.

Qurylys jumystary kezinde qurylys kompanııasynyń basshysy jobalaý-smetalyq qujattamada kózdelgen jumystardyń bóligin oryndamaý, oryndalǵan jumystardyń aktilerin jalǵan jasaý arqyly asa iri mólsherde aqsha qarajatyn jymqyrǵan.

Onyń qylmystyq áreketterinen JShS-niń esep aıyrysý shotyna 57,5 mln teńge somasynda aqsha qarajaty zańsyz aýdaryldy.

Tergeý nátıjesinde oǵan qatysty qylmystyq is sotqa joldanyp, aıyptaý úkimi shyqty. Sottalýshy memleketke keltirilgen 57,5 mln teńge somasyndaǵy zalaldy tolyǵymen ótegen.