Almaty oblysynda eki kúnde úshinshi ret 3,8 baldyq jer silkinisi boldy

ASTANA. QazAqparat - QR Bilim jáne ǵylym mınıstrligi Ǵylym komıtetiniń «Seımologııalyq tájirıbelik ádistemelik ekspedıtsııasy» seısmıkalyq stantsııalar jelisi 4 qazan kúni Almaty ýaqyty boıynsha 17 saǵat 27 mınýt 56 sekýndta jer silkinisin tirkedi, dep habarlaıdy «QazAqparat» HAA some.kz saıtyna silteme jasap.

Qyzmettiń habarlaýynsha, jer silkinisi Almaty qalasynan soltústik-shyǵysqa qaraı 222 kılometrde, Qazaqstan aýmaǵynda, al oshaǵy 20 km tereńde bolǵan. Jer silkinisiniń energetıkalyq synyby - 8,5, terbelisi - 3,8.

Eske sala keteıik, ótken sársenbide, 2017 jylǵy 3 qazan kúni jergilikti ýaqyt boıynsha 10 saǵat 51 mınýt 25 sekýndta terbelisi 4,1 jer silkinisi tirkelgen edi. Dúmpý Almatydan 222 km soltústikte, oshaǵy 0 km tereńdikte bolǵan. Al 4 qazanǵa qaraǵan túnde jergilikti ýaqyt boıynsha 00 saǵat 51 mınýt 25 sekýndta terbelisi 4,6 ball bolǵan taǵy bir jer silkinisi tirkeldi. Onyń epıtsentri Almatydan 224 km soltústikte, oshaǵy 15 km tereńde bolǵan.

Buryn, ústimizdegi jyldyń 24 qyrkúıeginde Almaty ýaqytymen 15 saǵat 35 mınýt 52 sekýndta terbelisi 4,5 jer silkinisi tirkelgen. Epıtsentri Almaty qalasynan soltústik-shyǵysqa qaraı 223 kılometrde, oshaǵy 15 kılometr tereńdikte jatqan. Osy jer silkinisteriniń barlyǵy Qazaqstannyń aýmaǵynda - Almaty oblysynda bolǵan.