Almaty oblysynda eki dárihana dári-dármek baǵasyn qymbattatyp jibergen
15:41, 15 Shilde 2020
TALDYQORǴAN. QazAqparat - Almaty oblysynda eki dárihananyń qojaıyny dári-dármekti kóterińki baǵamen satqany úshin jaýapkershilikke tartylýy múmkin. Bul jóninde Qarjy monıtorıngi komıtetine silteme jasap QazAqparat habarlaıdy.
Komıtettiń Almaty oblysy boıynsha ekonomıkalyq tergeý departamentiniń qyzmetkerleri Іle jáne Talǵar aýdandarynyń PB qyzmetkerlerimen birlesip, oblystyń eki dárihanasynda dárilik preparattardy qymbattatyp satý faktilerin anyqtady. Bul dárihanalar Ótegen batyr jáne Besaǵash eldimeknederinde ornalasqan.
Dárihananyń birinde «Ingavırın» preparaty - 6500 teńgege, ekinshisinde – 8500 teńgege satylyp jatty. Alaıda, bul dári-dármektiń shekti baǵasy - 5640 teńge.
Dáriniń belgilengen baǵasyn zańsyz kótergeni úshin dárihana ıelerine qatysty qylmystyq nemese ákimshilik sıpattaǵy sharalar qoldanylady.
Sondaı-aq, ónimdi tárkileý jáne lıtsenzııany qaıtaryp alý sharalary qarastyrylǵan.