Almaty oblysynda eki balyqshy sýǵa ketti

TALDYQORǴAN. QazAqparat - Almaty oblysynda eki er adam sýǵa batyp ketti. Bul týraly Respýblıkalyq jedel-qutqarý jasaǵynyń baspasóz qyzmetinen málim etti, dep habarlaıdy QazAqparat.

«28 naýryz kúni saǵat 17:30-da Respýblıkalyq jedel-qutqarý jasaǵynyń kezekshi-dıspetcherlik bólimine Derevıannoe kólinde qaıǵyly oqıǵa oryn alǵany týraly habarlama tústi. 1973 jáne 1969 jyly týǵan eki balyqshy úrlemeli rezeńke qaıyqpen balyq aýlaý kezinde qaıyq kenetten aýdarylyp, er adamdar sýǵa batyp ketken. Kýágerler bir er adamnyń denesin sýdan birden shyǵaryp alǵan», - delingen taratylǵan habarlamada.

Respýblıkalyq jedel-qutqarý jasaǵynyń jedel toby oqıǵa ornyna shyqqan.

«Іzdestirý-qutqarý sharalaryn júrgizý barysynda saǵat túngi 00.00-de qutqarýshy-súńgýirler ekinshi er adamnyń denesin taýyp, ýdan shyǵardy. Qutqarýshylar qaıyqpen balyq aýlaý kezinde saq bolýdy, qutqarý keýdeshesin mindetti túrde kııý qajettigin eskertedi. Tótenshe jaǵdaı týyndaǵan kezde 112 nómirine qońyraý shalý qajet», - dedi RJQJ baspasóz qyzmetinen.