Almaty oblysynda bolǵan temirjoldaǵy apattan taǵy bir adam kóz jumdy
Almaty oblystyq densaýlyq saqtaý basqarmasynyń málimetinshe, 2 tamyz kúni Іle aýdandyq ortalyq aýrýhanasyna 3 adam túsken.
«Jeńil kólik pen poıyz soqtyǵysynan zardap shekken úsh adam aýrýhanaǵa jetkizildi. Olardyń ishinde 1985 jyly týǵan naýqastyń jaǵdaıy óte aýyr bolǵandyqtan, dereý jansaqtaý bólimine jatqyzylyp, jasandy tynys alý apparatyna qosyldy. Ókinishke qaraı, naýqas 3 tamyz kúni tańǵy saǵat 08:40-qaıtys boldy. 1990 jyly týǵan ekinshi naýqasqa jabyq bas súıek-mı jaraqaty, bas mıynyń shaıqalýy, keýde qýysynyń zaqymdanýy degen dıagnoz qoıyldy. Jaǵdaıy ortasha aýyrlyqta, dınamıkasy turaqty. Úshinshi naýqas jansaqtaý bóliminde jatyr, onyń jaǵdaıy óte aýyr», - dep habarlady oblystyq densaýlyq saqtaý basqarmasynan.
Buǵan deıin Іle aýdanyndaǵy «Eńbek-Quıǵan» temirjol ótkelinde júk poıyzy men «Audi 100» kóligi soqtyǵysyp, júrgizýshiniń qaza tapqany týraly jazǵan bolatynbyz.
Foto: facty.com