Almaty oblysynda bıyl dúnıege kelgen alǵashqy úshem úıine shyqty
Úsh uldyń anasy, 31 jastaǵy Lázzat Qalanova - Almaty oblysy Jambyl aýdany Qarǵaly aýylynyń turǵyny. Úshemniń anasy 11 aqpannan bastap Almaty kópsalaly klınıkalyq aýrýhana dárigerleriniń baqylaýyna alynǵan.
«Qazir úsh uldyń anasy men balalardyń densaýlyǵy jaqsy. Bizdiń aýrýhanaǵa 11 aqpan kúni josparly túrde jatqyzylǵan. Júktiliktiń 31-aptasynda, 29 aqpanda kesir tiligin jasaý arqyly úsh ul dúnıege keldi. Bul jaǵdaıdy densaýlyq saqtaý basqarmasy únemi baqylaýda ustap otyrdy. Almaty oblysy ákiminiń orynbasary Batyrjan Baıjumanov pen densaýlyq saqtaý basqarmasynyń basshysy Baýyrjan Ysqaq 8 naýryz kúni arnaıy kelip, úshemniń anasyn merekesimen quttyqtaǵan bolatyn» ,- deıdi Almaty kópsalaly klınıkalyq aýrýhanasynyń dırektory Jumahan Moldaqulov.
Úshem úıine kelgenge deıin Qarǵaly aýylyndaǵy aýdandyq aýrýhana qyzmetkerleri úıde dezınfektsııa jumysyn júrgizdi. Sonymen qatar otbasy múshelerine algorıtmge saı dezınfektsııalaýdy úıretti. Alıstanovtar otbasyna atalǵan aýrýhanadan dezınfektsııaǵa arnalǵan quraldar, jeke qorǵanys quraldary (antıseptık, maska) berildi.
«Qarǵaly aýyldyq okrýginiń ákimi D. Turysbekovpen birge úshemdi kútip aldyq. Óıtkeni olardyń aman-esen dúnıege kelýi úlken qýanysh. Úshemniń kútimine 2 orta medıtsına qyzmetkeri kómek kórsetedi. Sonymen qatar arnaıy «NAN» balalar tamaǵymen qamtamasyz etiledi», - dedi Qarǵaly aýylyndaǵy aýdandyq aýrýhananyń dırektory Sageev Sertaı Seıfýllauly.
Alıstanovtar otbasynda Ǵalymjan, Rahymjan men Meıirjandy 5 jáne 7 jasar aǵasy men ápkesi kútip aldy.