Almaty oblysynda bıyl 49 myń bala 1-synypqa barady
Óziniń quttyqtaý sózinde oblys ákimi Elbasy Nursultan Ábishuly Nazarbaevtyń salıqaly saıasatynyń arqasynda jáne memlekettik baǵdarlamalardy tıimdi júzege asyrýdyń nátıjesinde bıylǵy jyldyń ózinde oblysta 49 000 búldirshinniń 1-synypqa barǵaly otyrǵandyǵyn málim etti. Amandyq Batalov oqýshylardyń sabaqtaryn jaqsy oqyp, ustazdarynan ómirlik tálim-tárbıe alyp, bilim nárimen sýsyndap, elimizdiń bolashaǵyna súbeli úlesin qosar sanaly azamat bolyp ósetindikterine senim bildiretindigin jetkizdi. Osydan keıin jańa ǵımarattyń lentasy saltanatty túrde qıylyp, oblys ákimi bastaǵan bir top qonaq mekteptiń ishki qurylymymen tanysyp, sapasyn tekserip shyqty.
Aıta ketý kerek, mektep qurylysyn "Rıgolıt" JShS júrgizdi. Qurylys jumystary 2016 jyldyń tamyzynda bastalyp, 2017 jyldyń tamyzynda tolyǵymen aıaqtaldy. Ǵımaratta barlyq materıaldyq-tehnıkalyq bazamen qamtylǵan 60 oqý kabıneti, sonyń ishinde arnaıy qural-jabdyqtarmen jabdyqtalǵan 2 hımııa, 2 fızıka, 2 bıologııa, 2 LMK, 4 ınformatıka kabınetteri bar. Sonymen qatar 2 kitaphana, 2 tehnologııa kabıneti, 2 sport zaly men 230 oryndyq ashanasy da bar. Búgingi kúni oqýshylar sany - 850. Olar 100% oqýlyqtarmen qamtamasyz etilgen. Jalpy jyl sońyna deıin Almaty oblysynda 35 mektep paıdalanýǵa beriledi dep josparlanýda.