Almaty oblysynda birqatar basqarmalar qysqarady
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń basshysy Serikbaı Nurǵısaev oblysta basshylar men oryndaýshylardyń arasynda teńgerimsizdik bar ekenin atap ótti. Departament basshysynyń aıtýynsha, ońtaılandyrý aıasynda aýdandyq bólimder 301-den 200-ge deıin qysqarmaq. Sondaı-aq, oblys boıynsha basshy laýazymdardyń sany 1348-den 947-ge azaıyp, basshy jáne oryndaýshy laýazymdar arasyndaǵy teńgerimsizdik tómendeıdi. Nátıjesinde orta eseppen bir basshyǵa 5 oryndaýshydan keletin bolady. Qazirgi jaǵdaıda oblysta bir basshyǵa 2 mamannan kelip otyr.
Ońtaılandyrý jumystary memlekettik qyzmetshilerdiń jalaqysyn ósirýge múmkindik beredi. Búginde oblys boıynsha memlekettik qyzmetshilerge jańa eńbekaqy tóleý júıesi engizilgennen keıingi eńbekaqy qory tolyq boljanyp otyr. Ortasha eseppen, jalaqy 2,1 esege artatyn bolady.
Kerekti qarjy jalpy ishki qarjylandyrý kózderinen jáne memlekettik organdardyń kúrdeli shyǵyndaryn ońtaılandyrý jáne memlekettik-jekemenshik áriptestik mehanızmderin qoldaný arqyly bıýdjettik ınvestıtsııalyq jobalardy iske asyrý esebinen shyǵarylady.