Almaty oblysynda bir jylda 102 jemqor sottalǵan

TALDYQORǴAN. QazAqparat - Almaty oblysynda 166 adam jemqorlyq úshin jaýapkershilikke tartyldy, dep habarlaıdy QazAqparat.

Almaty oblysynyń sybaılas jemqorlyqqa qarsy departamenti ótken jyly boıynsha 166 adamdy qylmystyq jaýapkershilikke tartyp, 102-si sottaldy.

Bul málimetti departament basshysynyń orynbasary Facebook jelisinde ótken AntikorLIVE jobasynyń tikeleı efırinde aıtty.

Vedomstvo basshysynyń orynbasary 2021 jyldy qorytyndylaı otyryp, preventsııa jáne jedel-tergeý baǵyty boıynsha jumys nátıjesin jetkizdi.

«Departament 2021 jyldyń 12 aıynda 101 qylmysty tirkedi, onyń ishinde 75 qylmys - sybaılas jemqorlyq. Sybaılas jemqorlyq qylmysyn jasaǵany úshin 166 adam qylmystyq jaýapkershilikke tartyldy. Onyń ishinde 23 adam - ártúrli dárejedegi birinshi basshylar. 102 adam sottaldy, onyń ishinde 87 adamǵa 250,4 mln teńgeden astam somaǵa aıyppul salyndy. Bas bostandyǵynan 8 adam aıyryldy. Taǵy 8 adamnyń múlki tárkilenip, memlekettik qyzmette jumys atqarý quqyǵynan ómir boıyna aıyryldy», - dedi Jandos Jumabaev.

Departament basshysynyń aqparatyna sáıkes, departament memlekettik satyp alý monıtorıngin júrgizý barysynda oblys bıýdjetin tıimsiz qoldanbaq bolǵan mekemelerdi anyqtap, 11 mlrd teńgege jýyq qarajatty únemdep qalǵan.

Oblysta 425 memlekettik jáne kvazımemlekettik uıymda sybaılas jemqorlyqqa qarsy komplaens laýazymdary engizilgen.

«Bıyl departament mamandary jemqorlyq táýekelderi bar memlekettik mekemelerge 8 ishki taldaý sharasyn júrgizdi. Nátıjesinde 143 derek tirkelip, jemqorlyq táýekelderin joıý boıynsha 100%, ıaǵnı, 143 usynym oryndaldy», - dedi vedomstvo basshysynyń orynbasary.

Aıta ketý kerek, ótken jylǵy aıaqtalǵan qylmystyq ister boıynsha jalpy zalal 3,9 mlrd teńgeni qurady, onyń 3,8 mlrd teńgesi óteldi.