Almaty oblysynda bir otbasynyń bes adamy qaıtys boldy
«2023 jylǵy 4 mamyrda saǵat 16-04-te Almaty oblysy TJD kezekshi bólimine Qarasaı aýdany Eltaı aýyldyq okrýginiń Kólashy aýylynda jeke turǵyn úıde 6 adam (2 eresek jáne 4 bala) belgisiz zattan ýlanǵany týraly habarlama tústi. Nátıjesinde 1984 jyly týǵan er adam (ákesi) jáne tórt bala (2010 jyly týǵan qyzy jáne 2008, 2013, 2018 jyly týǵan uldary) qaıtys boldy. 1985 jyly týǵan áıel (anasy) Shamalǵan aýylyndaǵy Qarasaı kópsalaly aýdanaralyq aýrýhanasyna jatqyzyldy», - delingen Almaty oblystyq TJD baspasóz qyzmetiniń habarlamasynda.
1985 jyly týǵan áıel adamnyń jaǵdaıy aýyr, reanımatsııa bóliminde jatyr.
«Aldyn ala sebepterdiń biri - belgisiz zattan ýlaný. Mán-jaılardy anyqtaý úshin shaqyrý ornyna TJ departamentiniń zertteý synaq órt zerthanasy, gaz qyzmeti jáne SES dereý jiberildi», - dep tolyqtyrdy atalǵan vedomstvonyń baspasóz qyzmeti.
Alǵashqy jınalǵan materıal Qarasaı aýdanynyń polıtsııa bólimine berildi.