Almaty oblysynda bir kúnde 15 bala koronavırýs juqtyrdy

TALDYQORǴAN. QazAqparat - Sońǵy táýlikte Almaty oblysynda koronavırýs 86 adamnan anyqtaldy. KVI anyqtalǵan 86 jaǵdaıdyń 15-i - 14 jasqa deıingi balalar, dep habarlaıdy QazAqparat tilshisi.

«Oblys óńirleri arasynda KVI syrqattaný kórsetkishi Balqash-2, Eńbekshiqazaq-2, Eskeldi-1, Jambyl – 4, Іle–12, Qarasaı-10, Qaratal-7, Panfılov – 7, Talǵar–14, Uıǵyr aýdandarynda – 9, Taldyqorǵan – 16, Tekeli qalasynda 2 jaǵdaıdan tirkeldi. 13 shildedegi jaǵdaı boıynsha 26 918 naýqas jazylyp shyqty. Bir táýlik ishinde 17 patsıent statsıonardan emdelip , 34 adam úıden oqshaýlaýdan shyqty» delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Vedomstvonyń aqparatyna sáıkes, jalpy oblysta indet bastalǵaly KVI-diń 28 455 jaǵdaı tirkelgen.

«Onyń ishinde sımptommen 18 017 jaǵdaı. 100 myń turǵynǵa shaqqanda KVI syrqattanýshylyq kórsetkishi – 1331,3 qurady. Oblys boıynsha KVI ósý qarqyny sońǵy 2 aptada 0,2%-dan (29.06-05.07) 0,3% - ǵa (06.07-12.07) deıin ósti.

Sońǵy aptada eń joǵary ósý qarqyny Balqash, Eskeldi, Іle, Qarasaı, Qaratal, Talǵar aýdandarynda baıqalady.

Sońǵy táýlikte KVI 86 jaǵdaıy tirkeldi, ósý qarqyny – 0,3%, onyń ishinde 70 sımptomdyq jáne 16 sımptomsyz jaǵdaı»,- dep tolyqtyrdy atalǵan vedomstvonyń baspasóz qyzmetinen.