Almaty oblysynda bastaýysh synyp oqýshysy bir qorap dári iship, ómirimen qoshtaspaq boldy

QONAEV. QazAqparat - Almaty oblysynda 4-synyp oqýshysy dári iship óz-ózine qol jumsamaq boldy, dep habarlaıdy QazAqparat tilshisi.

Bul aqparat áleýmettik jelide paıda boldy.

Onda 10 qyrkúıek kúni Almaty oblysy Talǵar aýdany Besaǵash aýylynda №29 orta mekteptiń 4-synyp oqýshysy óz-ózine qol jumsamaq bolǵany aıtylǵan.

«Bala ózine qol jumsamas buryn qoshtasý hatyn jazyp, bir qorap aspırın iship alǵan. Anasy balasyn aýyr halde tapty» delingen habarlamada.

Polıtsııa departamentiniń málimetinshe, 11 qyrkúıekte Talǵar aýdandyq polıtsııa basqarmasyna 1992 jyly týǵan azamatsha B. júgingen.

Aıtýynsha, 2013 jyly týǵan uly dáriden ýlanǵan.

«Bul fakti QR Qylmystyq kodeksiniń 105-babynyń 3-bóligi boıynsha Talǵar aýdandyq polıtsııa basqarmasynda tirkeldi. Tekserý barysynda kámeletke tolmaǵan bala úıinde 10-ǵa jýyq tabletka, boljam boıynsha «atsetılsalıtsıl qyshqylyn» ishkeni anyqtaldy. Qazirgi ýaqytta istiń mán-jaıyn tolyq, jan-jaqty jáne obektıvti zertteý úshin saraptama taǵaıyndalyp, búkil qajetti tergeý sharalary júrip jatyr. Osy jumystyń qorytyndysy boıynsha protsessýaldy sheshim qabyldanady», - dep túsindirdi Almaty oblysy polıtsııa departamentiniń baspasóz qyzmetinen.