Almaty oblysynda balalarǵa tıisti jaǵdaı jasamaǵan taǵy bir lager tekserilip jatyr

QONAEV. QazAqparat - Oqý-aǵartý mınıstrligi Almaty oblysy balalar lagerindegi jaǵdaıdy túsindirdi, dep habarlaıdy QazAqparat.

Eske sala keteıik, búgin BAQ betterinde Almaty oblysynda balalarǵa jaǵdaı jasamaǵan lager jaıly aqparat taraǵan bolatyn.

Bala quqyqtaryn qorǵaý komıteti arnaıy jumys tobyn quryp, oqıǵa ornyna bardy.

«Aldaǵy ýaqytta mınıstrlik ókilderi ortalyqtyń jaǵdaıy balalar qaýipsizdigi úshin jaramdy eken teksermek» delingen habarlamada.

Aıta keteıik, osyǵan deıin Qonaev qalasynyń bilim bólimi «Báıterek» jekemenshik lagerine monıtorıng júrgizgen bolatyn.

Tekserý nátıjesinde lagerdiń sanıtarlyq-epıdemıologııalyq qyzmetke ruqsaty bar ekeni anyqtalǵan.

Sondaı-aq, oqıǵa ornynda prokýratýra ókilderi de jumys istep jatyr.